Што праўда – да радасці вачэй «Лістапада»! Сёння пазаконкурсная праграма кінафестывалю ў асноўным без спецэфектаў. Гэта дакументальныя фільмы, якія глядзяць ва ўсім свеце, затаіўшы дыханне.

Свае працы пакажуць майстры неігравога жанру з Польшчы і Расіі. У нашых суседзяў рэальнае кіно ўсё часцей выходзіць у пракат. Поўныя залы яно, вядома, не збірае, аднак аўдыторыя расце. Дарэчы, і ў лонг-ліст прэміі «Оскар» ад Беларусі гэтым разам трапіла менавіта дакументальная стужка – «Дэбют» рэжысёра Анастасіі Мірашнічэнкі. Звязаны вялікія надзеі айчынных кінематаграфістаў таксама з doc-конкурсам «Лістапада». Дзве карціны ідуць на Гран-пры.

У рубрыцы «Спецыяльныя паказы» сёння «Эфір» Кшыштафа Зануссі. Выбітны польскі рэжысёр асабіста прадставіць сваю новую працу гледачам «Лістапада». Напярэдадні мэтр сусветнага кіно стаў ганаровым доктарам Беларускай дзяржаўнай акадэміі мастацтваў.